Telefonpolitikkur skúlans
Frá 11.11. 2015 er Sandoyar Meginskúli telefonfríur skúli.
Ásannandi at talgildu amboðini, eitt nú fartelefonir, órógva undirvísingina og sosiala lívið hjá næmingum, meðan teir eru í skúla, hevur Sandoyar Meginskúli orðað ein telefonpolitikk, sum er galdandi fyri allar næmingar skúlans.
Sambart fyrilestri hjá Gitte Klein á Sandoyar Meginskúla 10.11.15 vísa kanningar, at bara næmingurin hevur fartelefonina í lummanum, versnar hugsavningin, og fakliga úrtøkan verður minni. Á Sandoyar Meginskúla koma næmingar í skúla at læra sum mest, eins og skúlin er pallurin, har sosialu evnini hjá næmingunum mennast. Børn sita sum er við talgildu amboðunum í nógvar tímar dagliga. Talgildu amboðini verða einans tikin í nýtslu, um næmingar skulu nýta tey í samband við undirvísing. Aðrar tíðir skal telefonin liggja sløkt í taskuni.
Í fríkorterunum stendur tað næmingunum frítt at spæla borðspøl, bóltspøl o.a.
Spæliliðið hevur skipað spæl hvønn hósdag.
Hevur næmingurin tørv á at ringja, kann hann læna telefonina á lærarastovuni.
Verður telefonin tikin úr taskuni uttan loyvi í skúlatíðini, tekur lærarin telefonina frá næminginum og leggur hana á skrivstovuna hjá leiðsluni. Foreldrini kunnu heinta telefonina, tá næmingurin hevur fingið frí.
Henda avgerð er tikin við støði í gransking um telefonir, undirvísing og innlæring.
Sandoyar Meginskúli