Kunning 15.05.20

15 mai 2020

Stigvísa upplating av Sandoyar Meginskúla

Stigvísa upplating av Sandoyar Meginskúla.

Góðu næmingar, foreldur og avvarandi.

Í sambandi við at latið verður upp aftur eru broytingar og atlit sum skúlin má taka í mun til fyribyrging av smittu við coronavirus. Hetta ber í sær at næmingarnir møta stigvíst og fáa eina tillagaða tímatalvu.

Fyri at fáa best møguligu upplating av Sandoyar Meginskúla og innskúling sambart ”Vegleiðing fyri stigvísa og varliga upplating av skúlunum” (Útgáva 2.0) verður byrjað soleiðis:

 

9. fl. møtir  mánadagin       18.05.20 kl. 8.00.  Bussur koyrir sum vanligt til 1. tíma

8. fl. møtir  týsdagin           19.05.20 kl. 8.00   Bussur koyrir sum vanligt til 1. tíma

7. fl. møtir  mikudagin        20.05.20 kl. 8.45   Bussur koyrir sum vanligt til 2. tíma

6. fl. møtir  mikudagin        20.05.20 kl. 8.45   Bussur koyrir sum vanligt til 2. tíma

 

Næmingarnir í 6. til 8. fl. hava heimaskúla eftir tillagaðari tímatalvu til møtt verður.

Tillagaðu tímatalvurnar liggja undir heimasetningi floksins, undir tímatalva. Summi fak koma fyri líka og ólíka viku.

Broytingar kunnu koma fyri, og møguliga fara fak at halda fram sum heimaskúli. Kunnað verður um hetta á heimasíðu skúlans.

Sandoyar Meginskúli verður frá mánadegnum 18.05.20 býttur uppí øki og eru steðginir forskotnir fyri at fyribyrgja smittuvanda. Sí mynd!

Flokkarnir hava atgongd til vøllin eftir serstakari tímatalvu.

Um spurningar eru, eru tit altíð vælkomin at venda tykkum til skúlan.

Við vón um framhaldandi gott samstarv næmingunum at gagni.

 

Blíðar heilsanir

Jacqueline Benzon

Sandoyar Meginskúli