Kunning frá leiðsluni

5 jan 2021

Fyrst av øllum gott nýggjár, takk fyri tað farna og øll góð ynski um tað komandi. So er skúlin byrjaður aftur, og onkur er kanska stúrin, nú smittutalið í landinum er høgt. Hóast høga smittutalið, so metir heilsufakligi myndugleikin, at tamarhald er á støðuni, og at tað er ráðiligt, at skúlagongdin heldur fram eftir sama leisti sum undan jólum. Tískil eiga vit at minna okkum á aftur tey tilmæli, sum Undirvísingarstýrið og Corona.fo vísa á: • Frástøða og handreinføri eru sera týdningarmikil. • Vit eru í teimum bólkum, sum vit eru í, sum eru flokkurin og árgangurin. • Børn, sum vísa sjúkutekin, eiga at vera heima við hús og ikki koma í skúla. • Onnur enn næmingar og starvsfólk eiga ikki koma inn í skúlan.

Blíðar heilsanir Jacqueline Benzon