Góð ráð til foreldur

• Tak bøkurnar úr taskuni og upp á borðið hvønn dag.
• Vís veruligan áhuga fyri barnsins arbeiði - ikki bara um og tá ið barnið hevur fyri.
• Royn at hava positivan hugburð til skúlan.
• Heldur tú, at okkurt er, sum ikki er í lagi, tosa so við skúlan - ikki gjøgnum barnið ella meðan barnið hoyrir.

Skúlin væntar

At barnið:

• dugir at vera saman við øðrum og at vísa fyrilit
  fyri øðrum

• vísir fólkaligan atburð

• er væl fyri og ført fyri at taka ímóti undirvísing
  tvs. at tað er úthvílt og hevur etið - ella hevur ein bita við sær

• møtir til tíðina

• er fyrireikað, tá ið tað kemur í skúla 

• hevur bøkur og amboð við sær

At foreldur:

• fylgja við tí, ið barnið arbeiðir við og stuðla barninum í arbeiði sínum

• vísa virðing fyri arbeiði og arbeiðstíð barnsins, soleiðis at frítíðir og annað verður lagt uttan fyri skúlatíð

Lærararnir hava drúgva útbúgving og í flestu førum eisini fleiri ára royndir, so helst er onkur orsøk til, at teir gera tað, teir gera. Men spyr á røttum stað, um tú ivast ella undrast á okkurt!

Um foreldur vilja koma í samband við lærara, er ynskiligt, at hetta verður gjørt fyri kl. 17.00.