Í samband við Ungdómstingið, sum Løgtingi á hvørjum ári skipar fyri, var løgtingskvinnnan, Hervør Pálsdóttir, á vitjan hjá 9. flokki. 

Endamálið við Ungdómstinginum er:

• at geva næmingunum størri innlit í fólkaræðið
• at læra næmingar at vera ein virknari part av fólkaræðinum
• at vísa næmingunum í praksis, hvussu avgerðarmannagongdir virka í einum fólkaræði
• at geva næmingunum innlit í, hvør leikluturin hjá Løgtinginum er, og hvat arbeiðið hjá Løgtinginum fevnir um

8. og 9. februar 2026 ætlar 9. flokkur á Sandoyar Meginskúla at luttaka í tiltakinum, sum verður í Løgtinginum.

Freistin at senda inn uppskot er 25. november 2025 og verður hetta gjørt umvegis skúlan.

Vit gleða okkum at fylgja við, hvørji spennandi uppskot okkara ungu "politikkarar" koma við.