Filmsverkstova við Sørnorsk filmmobil John Håvard Nomedal (NO) Á verkstovuni fáa allir næmingar í flokkinum høvi til at gera ein stuttfilm við vegleiðing frá tveimum serkønum filmsskaparum, sum eru vanir at undirvísa børnum í filmsframleiðslu. Næmingarnir fáa teldlar (ipaddar) frá okkum at nýta á verkstovuni, so teir kunnu vera skapandi á ein tryggan, góðan og líkan hátt. Teldlarnir vera nýttir til bæði upptøku og klipping av filminum og tøknin er so einføld, at ein og hvør kann vera við. Vit leggja áherðslu á, at øll skulu hava javnt góðan møguleika fyri at luttaka í skapandi tilgongdini.